Xüsusi əməliyyat: 80-ə yaxın şəxs saxlanılıb, yaralı var

Acarıstanda, Helvaçauri bələdiyyəsinin Şarabidzeebi kəndində keçirilən xüsusi əməliyyat nəticəsində “qanuni oğrular” aləmi ilə əlaqədə şübhəli bilinən 80-ə yaxın şəxs saxlanılıb.

InterPress.ge xəbər verir ki, bu barədə qeyri-rəsmi məlumat yayılıb.

Həmçinin “İnterpressnyus”un məlumatına görə, xüsusi əməliyyat zamanı 75 yaşlı qadın xəsarət alıb və Batumi Beynəlxalq Universitet Klinikasına yerləşdirilib. Ehtimal olunur ki, o, saxlanılan şəxslərdən birinin anasıdır.

Bundan əlavə, yerli sakinlərin bildirdiyinə görə, iki nəfər – qardaşlar saxlanılmadan əvvəl özlərinə xəsarət yetiriblər.