Antonio Koşta: “Aİ–Azərbaycan arasında yeni saziş üzrə danışıqların bərpası vətəndaşlarımız üçün yaxşı xəbərdir”

“Avropa İttifaqı ilə Azərbaycan arasında yeni saziş üzrə danışıqların bərpası vətəndaşlarımız üçün yaxşı xəbərdir”, – Avropa İttifaqı Şurasının prezidenti Antonio Koşta bildirib.

InterPress.ge xəbər verir ki, Antonio Koşta Azərbaycan Prezidenti İlham Əliyevlə keçirdiyi görüşdən sonra sosial şəbəkə hesabında paylaşım edib.

“Azərbaycan Prezidenti İlham Əliyevlə yaxşı görüş keçirdim.

Bu il Avropa İttifaqı–Azərbaycan münasibətləri üçün mühüm ildir.

Azərbaycanla Ermənistan arasında sülhün artıq reallığa çevrildiyi bir vaxtda Avropa İttifaqı regionda yaşayan insanların bu sülhdən faydalanması üçün investisiyalar yatırır.

Avropa İttifaqı–Azərbaycan arasında yeni saziş üzrə danışıqların bərpası vətəndaşlarımız üçün yaxşı xəbərdir”, – deyə Koşta yazıb.