Məktəblərdə formalar bu cür olacaq - Nazirliy fotolar yaydı
2026–2027-ci tədris ili üçün ibtidai sinif şagirdlərinin məktəb formalarının alınması ilə bağlı əsas detallar açıqlanıb.
InterPress.ge xəbər verir ki, bu barədə Təhsil Nazirliyinin tabeliyində fəaliyyət göstərən Saqanmanatlebo Resursebi bazar araşdırması elan edib.
Məlumata görə, formaların tədarükü iki mərhələdə həyata keçiriləcək. Birinci mərhələdə məhsulların azı 30%-i 2026-cı il 31 iyul tarixinədək çatdırılmalıdır. İkinci mərhələdə isə qalan hissənin 2026-cı il 20 avqusta qədər təhvil verilməsi nəzərdə tutulur.
Tender sənədlərinə əsasən, sifariş əsasən məktəb geyimlərinə – kostyum, ətək və şalvarlara aiddir. Ümumilikdə sifariş ediləcək məhsulların sayı belədir: 292 min qız üçün pencək, 308 min oğlan üçün pencək, 438 min qız üçün şalvar, 616 min oğlan üçün şalvar, 146 min dizə qədər ətək və 1000 ədəd uzun ətək.
Qeyd edək ki, “Ümumi təhsil haqqında” qanuna əsasən, 2026–2027-ci tədris ilindən etibarən ibtidai pillədə oxuyan şagirdlər üçün məktəb forması məcburi olacaq və onun nümunəsi Təhsil Nazirliyi tərəfindən təsdiqlənəcək.
