Vladimir Putin: Döyüşçülərimiz irəliləyir, Rusiyanı qələbə gözləyir

Rusiya Prezidenti Vladimir Putin bəyan edib ki, Rusiya ordusu irəliləməyə davam edir və ölkəni qələbə gözləyir.

InterPress.ge xəbər verir ki, Putin bu barədə "Hər şey qələbə naminə!" forumunda çıxışı zamanı danışıb.

Onun sözlərinə görə, Qərbin müqavimətinə baxmayaraq, Rusiya inkişafını davam etdirir.

Putin bildirib ki, "kollektiv Qərbin rusofob və aqressiv hissəsi Rusiyaya qarşı mübarizə aparır."

"Tez-tez soruşurlar ki, necə olur ki, guya kollektiv Qərbin bütün rusofob və aqressiv hissəsi bizə qarşı mübarizə aparır, amma biz iqtisadiyyatımızı inkişaf etdirməyə, maliyyə sistemimizi gücləndirməyə, silahlı qüvvələrimizi təkmilləşdirməyə və hərbi-sənaye sahəsində yeni nəticələr əldə etməyə davam edirik. Biz irəliləyirik. Döyüşçülərimiz irəliləyirlər. Buna görə də bizi qələbə gözləyir", – deyə Vladimir Putin bildirib.