Pravoslav dünyası sentyabrın 11-də Müqəddəs Vəftizçi Yəhyanın başının kəsilməsi gününü qeyd edir

Pravoslav dünyası sentyabrın 11-də Müqəddəs Vəftizçi Yəhyanın başının kəsilməsi gününü qeyd edir.

InterPress.ge xəbər verir ki, Gürcüstanın Din Məsələləri üzrə Dövlət Agentliyinin yaydığı məlumata görə, müqəddəs peyğəmbərin başı Qalileya hökmdarı Hirodes Antipanın əmri ilə kəsilib.

Məlumata əsasən, İsa Məsihin sələfi hökmdarı açıq şəkildə pozğunluqda və öz qardaşının həyat yoldaşı Hirodiada ilə birlikdə yaşamaqda ittiham edib. Buna görə də Hirodes onu həbs etdirib.

Müqəddəsin başının kəsilməsini Qalileya hökmdarı Hirodes Antipadan Hirodiadanın qızı Salome anasının təhriki ilə istəyib.

Gürcüstanda yaşayan pravoslav xristianlar bu günü ənənəvi olaraq oruc tutaraq qarşılayırlar.