Tbilisidə texnika mağazasından oğurluq edən əvvəllər məhkum olunmuş şəxs saxlanılıb

Tbilisidə oğurluq hadisəsi ilə bağlı əvvəllər məhkum olunmuş bir şəxs isti izlərlə saxlanılıb. O, texnika mağazasından bahalı kompüter avadanlıqlarını oğurlamaqda ittiham olunur.

InterPress.ge xəbər verir ki, bu barədə Gürcüstan Daxili İşlər Nazirliyi məlumat yayıb.

Nazirliyin məlumatına görə, Didiube-Çuğureti Baş İdarəsinin əməkdaşları tərəfindən aparılan istintaq nəticəsində müəyyən edilib ki, təqsirləndirilən şəxs Tbilisidə yerləşən texnika mağazasından bahalı kompüter avadanlıqlarını qanunsuz olaraq ələ keçirib və hadisə yerindən qaçmağa çalışıb.

Hüquq-mühafizə əməkdaşları onu isti izlərlə saxlayıb, oğurlanmış əşya isə maddi sübut kimi götürülüb.

Faktla bağlı Gürcüstan Cinayət Məcəlləsinin 177-ci maddəsi ilə istintaq aparılır. Sözügedən maddə 5 ilədək müddətə azadlıqdan məhrumetməni nəzərdə tutur.