Tbilisidə kirayə mənzildə iki nəfərin meyiti aşkarlanıb

Tbilisidə kirayə götürülmüş mənzildə iki nəfərin meyiti aşkarlanıb. Mövcud məlumata görə, onlardan biri Fransa, digəri isə Rusiya vətəndaşıdır.

InterPress.ge xəbər verir ki, meyitlər ekspertizaya aparılıb. Onların üzərində hər hansı xəsarət izi aşkarlanmayıb.

Daxili İşlər Nazirliyindən bildirilib ki, faktla bağlı Gürcüstan Cinayət Məcəlləsinin 115-ci maddəsi ilə araşdırma aparılır. Həmin maddə şəxsi intihar həddinə çatdırmanı nəzərdə tutur.