Vətəndaşların nəzərinə! Yeni portal istifadəyə verilir

Bu gündən etibarən Kovidlə əlaqəli mövzularda vətəndaşlar üçün yeni bir portal istifadəyə veriləcək.

InterPress.ge xəbər verir ki, bu portal həddindən artıq yüklənmiş 112 və Səhiyyə Nazirliyinin qaynar xəttinin işini yaxşılaşdırmaq üçün istifadəyə veriləcək.

Səhiyyə naziri Ekaterine Tikaradze əhalini vaxtında həkimə müraciət etməyə çağırır.

“Bu gündən etibarən bütün vətəndaşlar ailə həkimi ilə əlaqə qura bilərlər. Həmçinin istifadəyə veriləcək bu portal da əhəmiyyətli yenilikdir. Vətəndaşlar şəxsi nömrəsinə istinad edərək portal vasitəsilə hansı ilkin tibbi yardım şəbəkəsi təmsilçisinə və həkimə müracət edəcəyini öyrənə bilər ”,- dedi Tikaradze.