Gürcüstanda ağır yol qəzası itki ilə nəticələndi

Zuqdidi yaxınlığındakı mərkəzi magistral yolun 325-ci kilometrliyində baş verən yol qəzasında bir nəfər həlak olub.

InterPress.ge xəbər verir ki, qəza Gitaçğaro kəndi yaxınlığında baş verib.

Qəza yerinə cəlb olunan təcili yardım qrupu yaralanan iki nəfəri Zuqdidi Referal Xəstəxanasına aparıb.

Həkimlər yaralılardan birini xilas edə bilməyib. 1993-cü il təvəllüdlü yaralı şəxs xəstəxanada vəfat edib. İkinci yaralının vəziyyəti isə ağırdır.

Daxili İşlər Nazirliyi Cinayət Məcəlləsinin 276-cı maddəsi ilə istintaqa başlayıb.