Qamğrelidze: “Ölkədə tətbiq olunan məhdudlaşdırıcı tədbirlər artıq nəticə verir"

“Ölkədə tətbiq olunan məhdudlaşdırıcı tədbirlər artıq nəticə verir, bu da yoluxma sayında kiçik bir stabilləşmə ilə müşahidə olunur və bir az nikbinliyə imkan verir”.

InterPress.ge xəbər verir ki, bu barədə Xəstəliklərə Nəzarət Mərkəzinin rəhbəri Amiran Qamğrelidze deyib.

Bundan əlavə, Amrian Qamğrelidze diqqətini məhdudlaşdırıcı tədbirlər çərçivəsində verilən tövsiyələrin yerinə yetirilməsinə yönəldib.

O, ölkədə maska taxma nisbətinin yüzdə 10 artaraq yüzdə 65-ə yüksəlməsinin yaxşı olduğunu söyləyib. Lakin Qamğrelidzenin fikrincə, bu rəqəm yüzdə 95-ə qədər artarsa, yeni ilə qədər vəziyyətin əhəmiyyətli dərəcədə sabitləşməsi mümkündür.