Parlament binası yaxınlığında etirazçılar ilə polis arasında qarşıdurma baş verib

Çiçinadze küçəsində, parlament binası yaxınlığında etirazçılar ilə polis arasında kiçik qarşıdurma yaşanıb.

InterPress.ge xəbər verir ki, etirazçılar parlament ərazisinə girən insanlara səslənib və onlara yaxınlaşmağa çalışıblar.

Polis etirazçıları avtomobil yolunu tərk etməyə çağırıb.

Xatırladaq ki, parlament binası yaxınlığında Çiçinadze küçəsində hal-hazırda mitinq keçirilir.

Etirazçılar parlamentin ilk iclasına etiraz edirlər. Onlar onuncu çağırış parlamentinə güvənlərinin olmadığını deyiblər. Dediklərinə görə, seçkilər saxtalaşdırılıb.

Hüquq-mühafizə orqanları təhlükəsizlik üçün hadisə yerinə cəlb olunub.