Gürcüstanda ağır yol qəzası baş verib - 2 ölü və yaralılar var

Ğvareli-Telavi yolunda avtomobil qəzası baş verib.

InterPress.ge xəbər verir ki, qəza nəticəsində iki nəfər həlak olub.

Məlumata görə, mikroavtobus və minik avtomobili bir-biri ilə toqquşub. Qəza nəticəsində bir gənc hadisə yerindəcə ölüb, orta yaşlı bir kişi isə xəstəxanaya aparılmazdan əvvəl vəfat edib.

Xəsarət alan sərnişinlər müxtəlif bədən xəsarətləri ilə müxtəlif təcili yardım briqadaları tərəfindən xəstəxanaya aparılıb.

Hüquq-mühafizə və təcili yardım qrupları hadisə yerinə cəlb olunub.