Azərbaycandan Gürcüstana gələn Hollandiya vətəndaşı itkin düşüb

Gürcüstanda Hollandiya vətəndaşı itkin düşüb.

InterPress.ge xəbər verir ki, bu barədə həmin şəxsin qardaşı sosial media üzərindən məlumat paylaşıb.

Bildirib ki, itkin düşən şəxs sonuncu dəfə martın 7-də Kutaisidə dostları ilə bir kafedə olub, daha sonra içkili vəziyyətdə küçəyə çıxıb və bir daha onu görən olmayıb.

Gürcüstan Daxili İşlər Nazirliyindən bildirilib ki, itkin düşən şəxsin axtarışı ilə bağlı araşdırmalara başlanılıb.

Həmin şəxsin Gürcüstana Azərbaycandan daxil olduğu və buradan üçüncü ölkəyə keçmək istədiyi bildirilir.