Saxta pul hazırlayan dörd nəfər saxlanıldı

Gürcüstanın Maliyyə Nazirliyinin İstintaq Xidmətinin əməkdaşları, keçirilmiş istintaq tədbirləri nəticəsində mütəşəkkil qrup tərəfindən külli miqdarda saxta pul hazırlamaq və satmaq ittihamı ilə dörd nəfəri saxlayıb.

InterPress.ge xəbər verir ki, bu barədə Maliyyə Nazirliyinin İstintaq Xidmətindən məlumat verilib.

Məlumata görə istintaq, şübhəlilərin qanunsuz maddi qazanc əldə etmək üçün Gürcüstanın müxtəlif bölgələrindəki ticarət obyektləri və sürətli ödəmə aparatları vasitəsi ilə ümumilikdə 11.300 GEL məbləğində 113 ədəd saxta 100 larilik əskinas satdığını aşkarlayıb.

Gürcüstan Cinayət Məcəlləsinin 10 ildən 15 ilədək həbs cəzasını nəzərdə tutan 212-ci maddəsinin 3-cü və 4-cü hissələri ilə istintaq davam edir.