Qəbirstanlıqda kişi cəsədi tapıldı

Kaspidə qəbiristanlıqda təxminən 40 yaşlı kişi cəsədi tapılıb.

InterPress.ge xəbər verir ki, bu barədə Daxili İşlər Nazirliyi məlumat yayır.

Mövcud məlumata görə, kişiyə küt alətlə qarın nahiyəsindən xəsarət yetirilib.

Yerli sakinlərin bildirdiklərinə görə, qətlə yetirilən bir neçə ay öncə həbsdən azadlığa çıxmış "kontara" ləqəbli Nodar Ğunaşvilidir.

Qətlə yetirilən şəxsin yaxınları öldürülmə faktının versiyası haqda heç bir fikir bildirə bilməyiblər.

Daxili İşlər Nazirliyi tərəfindən Gürcüstanın Cinayət Məcəlləsinin 108-ci maddəsi ilə istintaq başladıb. Maddə qəsdən adam öldürmə faktını nəzərdə tutur.