01 
Iyl
2021
11:27
385

Dövlət əmlakını mənimsəyən üç nəfər saxlanıldı

Maliyyə Nazirliyinin İstintaq Xidmətinin İstintaq Departamentinin Mçxeta-Mtianeti şöbəsinin əməkdaşları saxta sənədlər hazırlama-istifadə etmə yolu ilə külli miqdarda dövlət əmlakını mənimsədikləri üçün üç nəfəri saxlayıblar.

InterPress.ge xəbər verir ki, bu barədə məlumatı İstintaq Xidməti yayır.

İdarədən verilən məlumata görə, istintaq zamanı saxlanılan şəxslərin saxta sənədlərdən istifadə edərək Mçxeta Bələdiyyəsinin Codoreti kəndi yaxınlığında ümumi sahəsi 24.600 m2 olan 3 dövlət mülkiyyətində olan torpaq sahəsini fırıldaqçılıq yolu ilə qeydiyyatdan keçirdikləri müəyyənləşib. Hadisə ilə bağlı təyin olunmuş əmtəə ekspertizasının nəticəsinə əsasən, qanunsuz əldə edilmiş torpağın bazar dəyəri 1 267 781 GEL təşkil edib.

“İstintaqa başlanılan kimi qanunsuz olaraq əldə edilmiş torpaq sahələrinə dərhal qadağa qoyuldu və müvafiq hüquqi prosedurlardan keçdikdən sonra dövlətə qaytarılacaq.

Gürcüstan Cinayət Məcəlləsinin 180-ci maddəsinin 3-cü hissəsinin "b" bəndinə və 362-ci maddəsinin 2-ci hissəsinin "b" bəndinə əsasən istintaq aparılır ki, bu da 6 ildən 9 ilədək həbs cəzası nəzərdə tutur.

Cinayət birliyində olan digər şəxslərin müəyyənləşdirilməsi üçün istintaq tədbirləri davam etdirilir ”, - deyə məlumatda bildirilir.

Bizimlə əlaqə saxlayın