Gürcüstanda yağışlı hava nə vaxta kimi davam edəcək?

1-2 sentyabr tarixlərində Gürcüstanın əksər ərazilərində fasilələrlə yağıntılı hava şəraiti davam edəcək.

InterPress.ge xəbər verir ki, bu barədə Gürcüstan Milli Ətraf Mühit Agentliyi məlumat yayıb.

Agentliyin məlumatına görə, ayrı-ayrı rayonlarda güclü yağış gözlənilir. Həmçinin şimşək, dolu və küləyin güclənməsi mümkündür.

Milli Ətraf Mühit Agentliyinin açıqlamasına əsasən, gözlənilən güclü yağıntılar çaylarda suyun səviyyəsinin əhəmiyyətli dərəcədə artmasına, kiçik çaylarda daşqınlara, eləcə də dağlıq və təpəlik ərazilərdə sürüşmə və sel proseslərinin yaranmasına və aktivləşməsinə səbəb ola bilər.

Təhlükə səviyyəsi orta olaraq qiymətləndirilir.