Parlament qarşısında etiraz aksiyası bu gün də keçiriləcək

Parlament qarşısında medianın və vətəndaş cəmiyyətinin etiraz aksiyası bu gün də keçiriləcək.

InterPress.ge xəbər verir ki, etirazçılar tərəfindən hökumətə verilən ultimatumun müddəti bu gün saat 12: 00-da bitir.

Onlar Baş nazirin istefasını tələb edirlər və saat 12: 00-a qədər hökumətin qərarını gözləyirlər.

Xatırladaq ki, dünən Parlament qarşısında media təşkilatlarının təşkil etdiyi etiraz aksiyası bir neçə saat davam edib. Etirazçıların dediklərinə görə, Baş nazir və Daxili İşlər Naziri TV Pirveli-nin operatoru Lekso Laşkarava-nın ölümünə görə siyasi məsuliyyəti öz üzərinə götürməyincə etiraz dayanmayacaq.

Lekso Laşkarava 5 iyul hadisələri zamanı fiziki təcavüzə məruz qalanlardan biridir.