Yens Stoltenberq: "Biz Gürcüstan və Ukraynanı dəstəkləməyə və onlarla işləməyə davam edəcəyik"
NATO-nun baş katibi Yens Stoltenberq NATO xarici işlər nazirləri ilə görüşüb.
InterPress.ge xəbər verir ki, görüşdən sonra Stoltenberq mətbuat konfransında jurnalistlərin suallarını cavablandırıb.
Blokun iki ölkəyə, Ukrayna və Gürcüstana praktiki və siyasi dəstəyi necə artırmaq və Rusiyanı veto hüququna malik olmadığına və Gürcüstan-Ukraynanın üzvlük prosesini gecikdirə bilməyəcəyinə inandırmaq sualına Stoltenberq qeyd edib ki, islahatlar güclü cəmiyyət qurur və dayanıqlı, yaxşı işləyən cəmiyyət Rusiyanın müdaxiləsindən yüksək dərəcədə qorunur.
O, gələn həftə keçiriləcək NATO-nun genişlənmə iclasında Gürcüstan və Ukraynanın üzvlük məsələsinin müzakirə olunub-olunmayacağı sualını da cavablandırıb.
“Məncə, NATO-nun genişlənməsinin Avropada sabitlik, sülh, azadlıq və demokratiya üçün çox vacib olduğunu başa düşməliyik. Son onilliklərdə NATO və Avropa Birliyinin genişlənməsi həqiqətən də Avropaya demokratik azadlıqlarını genişləndirməyə və gücləndirməyə kömək etdi. Bu o demək deyil ki, NATO ölkələri alyansa daxil olmağa məcbur etdi, bu, müstəqil dövlətlərin sərbəst qərarları idi və bu prosesdən sonra biz alyansa yeni üzvlər aldıq. Onlar bizə bütün Avropada demokratiya və azadlığı qorumağa kömək edir. Üzvlük ayrı-ayrı millətlərin demokratik qərarlarına hörmətlə bağlıdır. NATO göstərdi ki, son illər NATO-ya qapı açıqdır. Bu, Şimali Makedoniya və Monteneqronun alyansa qoşulması ilə təsdiqlənir”, - Yens Stoltenberq bildirib.
NATO baş katibinin sözlərinə görə, Alyans Buxarest Sammitində qəbul edilmiş qərara sadiq qalır.
“Gürcüstan və Ukrayna haqqında danışarkən biz onlara əməli və siyasi dəstəklə Avro-Atlantik inteqrasiya yolunda islahatların aparılmasında dəstək və köməklik göstəririk. Hesab edirəm ki, bu mesajı vermək vacibdir ki, islahatlar qismən ona görə vacibdir ki, bu, NATO standartlarına cavab vermək vasitəsidir, eyni zamanda Ukrayna və Gürcüstanın cəmiyyətlərini gücləndirir. Dayanıqlı, yaxşı işləyən cəmiyyət Rusiyanın müdaxiləsindən yüksək dərəcədə qorunur. Ona görə də biz Gürcüstan və Ukraynanı dəstəkləməyə və onlarla işləməyə davam edəcəyik”, - Stoltenberq bildirib.
