Ermənistanın keçmiş prezidenti Robert Koçaryana qarşı cinayət təqibinə başlanılıb

Ermənistan Prokurorluğu ölkənin keçmiş prezidenti Robert Koçaryan barəsində vəzifə səlahiyyətlərindən sui-istifadə, xüsusilə külli miqdarda rüşvət alma və xüsusilə külli miqdarda pul yuma ittihamları ilə cinayət təqibinə başlayıb.

InterPress.ge xəbər verir ki, bu barədə Ermənistan mediası məlumat yayıb.

Məlumata görə, iş üzrə daha 9 nəfərə ittiham irəli sürülüb. Onların arasında keçmiş prezidentin böyük oğlu Sedrak Koçaryan və Ermənistanın üçüncü prezidenti Serj Sarkisyan da var.

Robert Koçaryanın vəkilinin sözlərinə görə, saxlanıldıqdan sonra keçmiş prezidentin səhhəti pisləşib və o, xəstəxanaya yerləşdirilib. Keçmiş prezidentin ofisinin rəhbəri Baqrat Mikoian bildirib ki, Köçəryan yaxın vaxtlarda əməliyyat keçirib və bu səbəbdən həkim əlavə müayinələrin aparılmasına qərar verib.

Qeyd edək ki, hüquq-mühafizə orqanları bu gün səhər saatlarında Robert Köçəryanın və ailə üzvlərinin yaşadığı ünvanlarda axtarış aparıblar. Axtarış keçmiş prezidentin digər oğlu, Ermənistan parlamentinin deputatı Levon Koçaryanın evində də keçirilib.

Daha sonra istintaq orqanları Robert Koçaryanı Antikorrupsiya Komitəsinə aparıblar.