Bu gündən Gürcüstan Parlamentinə giriş məhdudlaşdırılacaq

Gürcüstan parlamentinə giriş məhdudiyyəti bu gündən qüvvəyə minəcək. 

InterPress.ge xəbər verir ki, bu barədə qanunverici orqanın mətbuat xidməti məlumat yayıb.

Onların fikrincə, parlament sədrinin verdiyi sərəncamda məqsəd “mümkün təxribatların qarşısını almaqdır”.

Fevralın 25-də Gürcüstan parlamenti sədrinin 30 dekabr 2016-cı il tarixli N259/3 saylı Sərəncamı ilə Parlament Sarayında və ətraf ərazilərdə Təhlükəsizlik Rejimi ilə müəyyən edilmiş qaydalara uyğun olaraq, Parlament binasına giriş məhdudlaşdırılacaq. Rejim KİV nümayəndələri istisna olmaqla, qüvvədədir.

Bu tədbirin məqsədi mümkün təxribatların qarşısını almaq, Gürcüstan parlamentinin üzvləri və əməkdaşları üçün iş şəraiti yaratmaqdır”, - deyə məlumatda bildirilir.