ABŞ Rusiyanın işğalından zərər görmüş ukraynalılara əlavə humanitar yardım edəcək

ABŞ Rusiyanın işğalından zərər görmüş ukraynalılara əlavə olaraq 54 milyon dollar humanitar yardım edəcək.

lnterPress.ge xəbər verir ki, bu barədə ABŞ Dövlət Departamenti məlumat yayıb.

Onların sözlərinə görə, Ukraynaya bu məbləğin 26 milyon dollarını Dövlət Departamenti, 28 milyon dollarını isə ABŞ Beynəlxalq İnkişaf Agentliyi ayıracaq.

“Ukrayna xalqı ilə tərəfdaşlığımız güclüdür. Biz diqqətimizi Ukraynanın təcili humanitar ehtiyaclarına yönəldirik ki, bu da Rusiyanın əvvəlcədən düşünülmüş, təxribatsız və əsassız hücumuna cavabımızın vacib hissəsidir. Ukraynalıların rifahını nəzərə alaraq, Rusiyanın sonrakı işğalından zərər çəkənlərə təxminən 54 milyon dollar humanitar yardımın ayrıldığını elan edirik",- deyə Dövlət Departamentinin bəyanatında yazılıb.

Onların sözlərinə görə, humanitar yardımın bu sonuncu tranşı müstəqil humanitar təşkilatların köməyi ilə köçürüləcək.

“Humanitar yardıma qida, təhlükəsiz təmiz su, sığınacaqlar, təcili yardım və mühafizə daxildir. Bizim maliyyələşdirməmiz həmçinin humanitar təşkilatlara münaqişə nəticəsində köçkün düşmüş ailə üzvləri arasında əlaqə saxlamağa kömək edəcək ki, bu da ümid edirik ki, bəzi hallarda ailənin birləşməsinə gətirib çıxaracaq”, - deyə bəyanatda deyilir.