Kənd Təsərrüfatı Nazirliyində ərzaq məhsulları idxal edən şirkətlərin nümayəndələri ilə görüş keçirildi

Ekologiya və Kənd Təsərrüfatı Nazirliyində iri ticarət şəbəkələrinin və ərzaq məhsulları idxal edən şirkətlərin nümayəndələri ilə növbəti işgüzar görüş keçirilib.

lnterPress.ge xəbər verir ki, bu barədə Agentliyin yaydığı məlumatda bildirilir.

Məlumata görə, hazırda Gürcüstanda ərzaq təchizatında çatışmazlıq yoxdur.

Nazirlikdən verilən məlumata görə, görüşdə qeyd olunub ki, son günlər iqlim şəraiti ilə əlaqədar ayrı-ayrı rayonların ticarət şəbəkələrində məhsulların tədarükündə gecikmə yaransa da, yaxın günlərdə bu məsələ tam həllini tapacaq.

Məlumata görə, yollarda pis hava şəraiti düzəldildikdən sonra ölkəyə müxtəlif zəruri məhsulların (yağ, makaron, qarabaşaq yarması, piylər və s.) daha bir partiyası gələcək.

“Hazırda Gürcüstanda ərzaq çatışmazlığı yoxdur. Bölgədəki çətin vəziyyətə baxmayaraq, istehlak bazarında məhsulun sabit tədarükünü təmin etmək vacibdir. Bu məqsədlə biz alternativ bazarların axtarışını, məhsul idxalının rahat həyata keçirilməsini və ehtiyatların davamlı olaraq artırılmasını asanlaşdırmaq üçün mümkün qədər özəl sektor - idxalçılar, distribyutorlarla işləyirik”,- deyə Ekologiya və Kənd Təsərrüfatı nazirinin birinci müavini Qiorqi Xanişvili bildirib.

Agentliyin məlumatına görə, ərzaq təhlükəsizliyinin təmin edilməsi məqsədi ilə ETSN-nin müvafiq xidmətləri tərəfindən ölkə ərazisində ərzaq məhsullarının fasiləsiz təchizatı və doldurulması daim nəzarətdə saxlanılır.