Gürcüstan iqtisadiyyatı may ayında 11,6% artıb

Bu ilin may ayında Gürcüstanda istehsal edilmiş Ümumi Daxili Məhsulun (ÜDM) real dəyəri illik müqayisədə 11,6 % artıb, 2022-ci ilin ilk beş ayı üçün orta göstərici isə 11,2 faiz təşkil edib.

lnterPress.ge xəbər verir ki, bu barədə Milli Statistika İdarəsindən məlumat verilib.

Məlumata görə, 2022-ci ilin may ayında demək olar ki, bütün sektorlarda əvvəlki ilin müvafiq dövrü ilə müqayisədə artım müşahidə olunub. Artıma əsasən, nəqliyyat və anbar təsərrüfatı, elektrik enerjisi, qaz, kondisioner təchizatı, mehmanxana və restoranlar, istehsal, tikinti və mədənçıxarma kimi sektorlar əhəmiyyətli töhfə verib.