Avropa Komissiyasının sədri Azərbaycandan daha çox təbii qaz almaq məsələsi ilə bağlı Bakıya səfər edəcək

Avropa Komissiyasının sədri Ursula fon der Layen Azərbaycandan daha çox təbii qaz almaq məsələsi ilə bağlı bu gün Bakıya səfər edəcək.

InterPress.ge xəbər verir ki, Avropa komissarı Kadri Simsonun da Azərbaycanın paytaxtına səfər edəcəyi gözlənilir.

“Rusiyanın enerji təchizatını davamlı silahlandırması fonunda enerji idxalımızın şaxələndirilməsi Avropa İttifaqı üçün prioritetdir. Prezident fon der Layen və komissar Kadri Simson əməkdaşlığı daha da gücləndirmək üçün Azərbaycanda olacaqlar”, - Avropa Komissiyasının bəyanatında deyilir.

Avropa Komissiyası Aİ ölkələrinə təbii qaz idxalını artırmaq və boru kəmərinin genişləndirilməsini dəstəkləmək üçün Azərbaycanla razılaşma təklif edir.