Latviya Gürcüstana yeni səfirini təyin etdi

Latviya Prezidenti Egils Levits Latviya Respublikasının Gürcüstandakı yeni fövqəladə və səlahiyyətli səfiri Edite Mednesin etimadnaməsini təqdim edib. Rəsmi mərasim Riqa qalasında keçirilib. 

InterPress.ge xəbər verir ki, bu barədə məlumatı Latviya Xarici İşlər Nazirliyi yayıb.

Yeni təyin olunmuş səfir bildirib ki, Latviya Gürcüstanın etibarlı tərəfdaşıdır və olacaq. O, Gürcüstanın Avro-Atlantik istəklərini və islahatların həyata keçirilməsini dəstəklədiyini bildirib.

"Mən Latviya və Gürcüstan arasında iqtisadi və mədəni əlaqələrin təşviqinə sadiqəm və Latviya diasporu ilə sıx əməkdaşlıq etmək niyyətindəyəm", - Medne deyib.

Medne 1995-ci ildə Latviya Xarici İşlər Nazirliyində işə başlayıb. Gürcüstana səfir təyin olunmazdan əvvəl o, Latviyanın İrlandiyadakı səfirliyində missiya rəhbərinin müavini vəzifəsində çalışıb. Səfir Latviya Universitetinin tarix və fəlsəfə fakültəsində təhsil alıb. İngilis, alman və rus dillərini bilir.
Edit Medne 2018-ci ildən Latviyanın Gürcüstandakı səfiri vəzifəsində çalışan İnqrida Levrensi əvəzləyib.