Avropa komissarı: "Avropa İttifaqı Gürcüstana namizəd statusunun verilməsi üçün dəstəyini davam etdirəcək"

Avropa komissarı Oliver Varheyin sözlərinə görə, Avropa İttifaqı Gürcüstana namizəd statusunun verilməsi üçün dəstəyini davam etdirəcək.

InterPress.ge xəbər verir ki, Genişlənmə və Qonşuluq Siyasəti məsələləri üzrə Avropa komissarı Oliver Varhey Aİ-Gürcüstan Assosiasiyasının  7-ci Şura iclasına  "Twitter" sosial şəbəkəsində münasibət bildirib.

“7-ci Aİ-Gürcüstan Assosiasiya Şurasında biz Avropa İttifaqının xarici işlər və təhlükəsizlik siyasəti üzrə ali nümayəndəsi Cozef Borel və Gürcüstanın baş naziri İrakli Ğaribaşvili ilə birlikdə Aİ və Gürcüstanın ümumi gündəliyinin prioritetlərini müzakirə etdik. Bu çətin zamanda Gürcüstana namizəd statusu vermək üçün dəstəyimizi davam etdirəcəyik”, - Oliver Varhey yazıb.