Lukaşenko: "Putinlə sərhəddə qüvvələrin yerləşdirilməsi ilə bağlı razılığa gəldik"

Belarus lideri Aleksandr Lukaşenko bildirib ki, o, Rusiya prezidenti Vladimir Putinlə “müttəfiq dövlətin qərb sərhədində regional qüvvələrin yerləşdirilməsi haqqında” razılığa gəlib.

InterPress.ge xəbər verir ki, bu barədə Ria Novosti məlumat yayıb.

Qərb sərhədində çox güman ki, Lukaşenko Belarus-Polşa dövlət sərhədini nəzərdə tutur.

“Müttəfiq dövlətin qərb sərhədində vəziyyətin gərginləşməsi ilə əlaqədar biz Rusiya və Belarusun birgə regional qüvvələrini göndərməyə razılaşdıq”, - Lukaşenko bildirib.

Belarus və Rusiya arasında müttəfiq dövlətin yaradılması haqqında saziş 1990-cı illərdə imzalanıb və sazişin ayrı-ayrı maddələrinin ratifikasiyası hələ də davam edir.