BMT 2022-ci ildə Ukraynaya 4,5 milyard dollardan çox humanitar yardım ayırıb

“BMT 2022-ci ildə Ukraynaya 4,5 milyard dollardan çox humanitar yardım ayırıb”.

InterPress.ge xəbər verir ki, bunu Ukraynanın Baş naziri Denis Şmıqal Kiyevdə BMT-nin Baş katibinin humanitar məsələlər üzrə müavini Martin Qriffitslə görüşündən sonra sosial şəbəkədəki səhifəsində bildirib.

“Belə dəstəyi yüksək qiymətləndiririk və gələn il bu məbləğin artacağına ümid edirik”, - o qeyd edib.

D.Şmıqal və M.Qriffits iqtisadiyyat, yenidənqurma və evini tərk etməyə məcbur qalmış ukraynalılara yardım sahəsində gələcək əməkdaşlığı, həmçinin minatəmizləmə üzrə yeni proqramların yaradılmasını müzakirə ediblər.