Edqar Rinkeviç: "Rusiyanın Ukraynaya təcavüzü Gürcüstanın da gələcəyinə böyük təsir göstərir"
Ukrayna qalib gəlsə, Gürcüstan da qazanacaq, Ukrayna uduzsa, Gürcüstan da daxil olmaqla, hamımız uduzacağıq. Bu isə kimisə müharibəyə sürükləmək demək deyil - bu, azadlıq uğrunda mübarizə aparan ölkəyə kömək etməkdir.
InterPress.ge xəbər verir ki, bu barədə Latviyanın xarici işlər naziri Edqars Rinkeviç "Amerikanın səsi"nin Gürcüstan redaksiyasına müsahibəsində bildirib.
Onun sözlərinə görə, Gürcüstan başa düşməlidir ki, hazırda Avropada baş verənlər - Rusiyanın Ukraynaya təcavüzü Gürcüstanın da gələcəyinə böyük təsir göstərir.
"Sən ya tarixin doğru tərəfindəsən, ya da deyilsən. Bu seçimi Gürcüstan etməlidir. Biz hökumətə yox sizə kömək etmək üçün buradayıq. Sadəcə olaraq, yanlış istiqamətdə getdiyini hesab etdiyimiz qanunvericilik islahatları proseslərinin isti qarşılanmayacağına hökumət təəccüblənməməlidir.
Seçimi Gürcüstan və onun hökuməti etməlidir, lakin atılan addımlar Aİ-nin tərəfdaş ölkəsinin hərəkətlərinə uyğun gəlmirsə, o zaman Tiflis Aİ-nin Gürcüstanı birliyə qəbul etmək üçün addımlar atmayacağına təəccüblənməməlidir.
Biz hər üç ölkə üzrə Avropa Komissiyasından hesabat gözləyirik - bunlar Ukrayna, Moldova və Gürcüstandır. Bilirsiniz, formal kriteriyalarınız ola bilər, çoxlu qanunlar çıxara bilərsiniz və ya deyə bilərsiniz ki, 226 və ya 295 tövsiyəni həyata keçirmisiniz və çox böyük işlər görmüsünüz, amma o Avropa dəyərləri ruhu yoxdursa, əgər insan hüquqları və qanunun aliliyi təmin olunmazsa, o zaman bu ölkə AB üzvlüyünə namizəd və üzv kimi irəliləyəcək.
Sonda bu, Gürcüstan hökumətindən asılıdır: Gürcüstan doğrudanmı Avropa yolu ilə getməyə davam etmək istəyir: o, namizəd olmaq və sonra qəbulla bağlı danışıqlara başlamaq və irəli getmək istəyir, yoxsa bizim dost münasibətimizə məhəl qoymamaq qərarına gəlir. Amma o zaman gözləməyək ki, Gürcüstanın növbəti addıma hazır olduğunu deyəcək Avropa İttifaqının çoxlu üzvü olacaq”, - Latviyanın birinci diplomatı bildirib.
O, həmçinin qeyd edib ki, Latviya keçmiş prezident Mixail Saakaşvilinin səhhətindən çox narahatdır.
“Biz keçmiş prezident Mixail Saakaşvilinin səhhətindən çox narahatıq. Biz məhkəmənin qərarlarını şübhə altına almırıq. Biz onun səhhətinin vəziyyətini izləyirik, hesab edirik ki, müalicə almaq üçün onun buraxılması ağlabatan və vaxtında qərar olardı”, - Edqars Rinkeviç bildirib.
