ABŞ və Aİ iqtisadi təhlükəsizlik tədbirləri üzrə əməkdaşlığı gücləndirəcək

ABŞ və Avropa İttifaqı (Aİ) Çinin iqtisadi təsirinə qarşı çıxmaq üçün iqtisadi təhlükəsizlik tədbirləri üzrə əməkdaşlığı gücləndirmək niyyətindədir.

InterPress.ge xəbər verir ki, bu barədə “Bloomberg” agentliyi ABŞ-Avropa İttifaqı Ticarət və Texnologiya Şurasının dördüncü iclası ilə bağlı bəyanat layihəsinə istinadən məlumat yayıb.

Sənəddə qeyd edilib ki, Vaşinqton və Brüssel Çinin xarici hökumətlərə təsir göstərmək üçün iqtisadi vasitələrdən istifadə etməsinə görə narahatdır.

Bildirilib ki, ABŞ və Aİ bu bəyanatda Rusiya və Belarusa qarşı sanksiyalara riayət edilməsi məsələsini də xatırladacaq.