Cozef Borrell: Çin Rusiyanı Ukraynadan çıxmağa məcbur etməsə, Aİ-Çin münasibətləri normal inkişaf etməyəcək

“Çin Rusiyanı Ukraynadan çıxmağa məcbur etməsə, Avropa İttifaqı ilə Çin arasında münasibətlər normal inkişaf etməyəcək”.

InterPress.ge xəbər verir ki, Aİ-nin ali nümayəndəsi Cozef Borrel bu barədə Stokholmda üzv ölkələrin xarici işlər nazirlərinin qeyri-rəsmi görüşündən sonra bildirib.

“BMT Təhlükəsizlik Şurasının daimi üzvü kimi Çini Rusiyaya təsir göstərməyə çağırırıq ki, bu müharibə dayansın və Ukraynanın ədalətli sülh əldə etməsi üçün konstruktiv rol oynasın. Biz gözləyirik ki, Çin öz rolundan və öhdəliklərindən istifadə edəcək. Əgər belə olmasa, münasibətlərimiz o qədər də yaxşı olmayacaq”, - deyə o söyləyib.