Avropa Şurasının iki günlük sammitində Ukrayna məsələsi müzakirə olunacaq

Avropa Şurasına üzv dövlətlərin liderləri bu gün İslandiyanın paytaxtı Reykyavikdə iki günlük sammitdə iştirak etmək üçün bir araya gələcək.

InterPress.ge xəbər verir ki, bununla bağlı Reuters məlumat verib.

Agentliyin məlumatına görə, sammitdə təşkilata üzv olan 46 ölkənin liderləri Ukraynaya dəstək ifadə edəcək və hazırkı müharibədən irəli gələn təhlükələri müzakirə edəcəklər.

Qeyd edək ki, "İkinci Dünya Müharibəsindən" sonra yaradılan Avropa Şurası dördüncü sammitini keçirir.

Sammitdə Almaniya kansleri Olaf Şolz, Böyük Britaniyanın baş naziri Rişi Sunak və Fransa prezidenti Emmanuel Makron da iştirak edəcək. Ukrayna Prezidenti Zelenski videobağlantı vasitəsilə iştirakçılara müraciət edəcək.