Birləşmiş Ştatlar İsveçin NATO-ya üzvlüyünün yaxın həftələrdə yekunlaşacağını gözləyir

Birləşmiş Ştatlar İsveçin NATO-ya üzvlüyünün yaxın həftələrdə yekunlaşacağını gözləyir.

InterPress.ge xəbər verir ki, bu barədə ABŞ dövlət katibi Entoni Blinken açıqlama verib.

Blinken İsveçin baş naziri Ulf Kristersonla keçirdiyi mətbuat konfransında deyib: "Bunun ola biləcəyinə heç bir şübhəmiz yoxdur, biz belə olacağını gözləyirik".

Onun sözlərinə görə, NATO-nun hər bir üzvünün alyansa yeni üzvlərin qoşulması ilə bağlı öz fikrini bildirməsi “uyğundur”.

Xatırladaq ki, Rusiyanın Ukraynaya genişmiqyaslı müdaxiləsi Finlandiya və İsveçi neytrallıqdan əl çəkməyə və NATO-ya üzv olmaq üçün müraciət etməyə məcbur edib. Finlandiya aprelin 4-də rəsmi olaraq NATO-nun 31-ci üzvü oldu.