Dmitri Peskov : "Kreml Paşinyanın İrəvanın Rusiyanın müttəfiqi olmadığı barədə dediklərini qəbul edib"

Kreml Ermənistanın baş naziri Nikol Paşinyanın İrəvanın Ukrayna münaqişəsində Rusiya Federasiyasının müttəfiqi olmadığı barədə dediklərini qəbul edib.

InterPress.ge xəbər verir ki, Rusiya mətbuatının məlumatına görə, bu barədə Rusiya prezidentinin mətbuat katibi Dmitri Peskov məlumat verib.

“Biz bunu nəzərə alırıq. Bu mühüm bəyanatdır. Biz bilirik ki, Ermənistanın Ukrayna ətrafındakı münaqişəyə yanaşmalarında müəyyən nüanslar var, biz onları nəzərə alırıq, onlardan xəbərdarıq, lakin təbii ki, biz Ermənistanla müttəfiqlik münasibətlərimizi inkişaf etdirməyə davam edirik”, - deyə Peskov bildirib.

Məlumat üçün bildirək ki, Ermənistanın baş naziri Nikol Paşinyan CNN Prima News telekanalına müsahibəsində bəyan edib ki, Ermənistan Ukrayna münaqişəsində Rusiyanın müttəfiqi deyil. Lakin onun fikrincə, Qərbin fikri fərqlidir.