Donald Tramp məxfi sənədlərlə bağlı iş üzrə formal olaraq saxlanılıb

ABŞ-ın keçmiş prezidenti Donald Tramp məxfi sənədlərlə bağlı iş üzrə məhkəməyə gedib və tutulub.

InterPress.ge xəbər verir ki, bu barədə CNN məlumat yayıb.

Nəşrin məlumatına görə, Tramp Florida ştatının Mayami şəhərindəki federal məhkəmə binasına gedib və orada məxfi sənədlərlə düzgün işləmədiyinə görə saxlanılıb. 

Trampın tutulması ilə bağlı iş formal prosedurdur, ona görə də keçmiş prezidentin əli qandallanmayıb və “saxlanılma fotosu” çəkilməyib.

Məhkəmə dinləmə zamanı yayım, foto və video çəkilişi qadağan edib, Trampın ittihamların heç biri üzrə özünü təqsirli bilməyəcəyi gözlənilir. Bundan sonra o, formal saxlanılmadan azad olunacaq və Tramp elan edilən tədbirdə tərəfdarlarına müraciət etməyi planlaşdırır.