Avropa komissarı: "Biz müharibənin daha bir neçə ay, hətta daha uzun sürəcəyinə hazırlaşırıq"

Avropa İttifaqı Ukraynaya Rusiya qüvvələrinə qarşı əks-hücum əməliyyatında dəstək üçün silahların çatdırılmasını sürətləndirəcək. 

InterPress.ge xəbər verir ki, bu barədə, Avropa komissarı Tyerri Breton Fransanın “Le Parisien” nəşrinə müsahibəsində bildirib.

"Biz silah və sursat tədarükü üçün səylərimizi gücləndirəcəyik - bu, onların mühüm rol oynadığı yüksək intensivlikli müharibədir", - dedi Breton.

Onun sözlərinə görə, yaxın 12 ay ərzində Avropa İttifaqı Ukraynaya bir milyon ədəd iriçaplı silah tədarük edəcək.

"Biz müharibənin daha bir neçə ay, hətta daha uzun sürəcəyinə hazırlaşırıq", - Avropa komissarı əlavə edib.

Xatırladaq ki, Ukrayna Rusiyanın işğal etdiyi əraziləri geri qaytarmaq üçün əks hücuma keçir.