Ərdoğan: "Təkəbbürlü qərblilərə müsəlman müqəddəslərini təhqir etməyin söz azadlığı olmadığını öyrədəcəyik"

"İsveçdə Quranın yandırılması, eləcə də bu cinayəti törədənlər, fikir azadlığı adı altında buna yol verənlər, bu cəfəngiyyata göz yumanlar öz məqsədlərinə çatmayacaq".

InterPress.ge xəbər verir ki, bunu Türkiyə prezidenti Rəcəb Tayyib Ərdoğan deyib.

Türkiyə prezidentinin sözlərinə görə, Türkiyə heç vaxt təxribat və təhdid siyasətinə boyun əyməyəcək.

“Terror təşkilatlarına və İslam düşmənlərinə qarşı mübarizə edərkən daha sərt formada reaksiyamızı bildirəcəyik. Biz nəhayət ki, təkəbbürlü qərblilərə müsəlman müqəddəslərini təhqir etməyin fikir azadlığı olmadığını öyrədəcəyik”, - deyə Rəcəb Tayyib Ərdoğan bildirib.