Gürcüstana mobil telefon idxalı rekord həddə çatır

Gürcüstanda mobil telefonların idxalı kəskin şəkildə artır.

InterPress.ge xəbər verir ki, 2023-cü ilin ilk 5 ayında idxalın həcmi artıq 111 milyon dolları keçib ki, bu da əvvəlki ilin eyni dövrü ilə müqayisədə 54% çoxdur.

İdxalın artması ilə yanaşı, mobil telefonun orta qiyməti də artıb, əgər 2022-ci ilin 5 ayında 210 dollar idisə, 2023-cü ilin 5 ayında orta qiymət 342 dollar, yəni 890 lari təşkil edib.

Ümumilikdə, bu il alınan mobil telefonların sayı 324 min ədəd təşkil edir ki, bu da əhalinin 9 faizinə məxsus mobil telefonların sayıdır.

Müqayisə üçün qeyd edək ki, 2022-ci il ərzində Gürcüstan 237 milyon dollar dəyərində 880 min mobil telefon alıb.

Əsas idxal ölkələri dəyişməz qalıb, Gürcüstandakı telefonların yarıdan çoxu Birləşmiş Ərəb Əmirliklərindən gətirilir. Buna səbəb BƏƏ-nin smartfon ticarəti üçün qlobal mərkəzlərdən biri olmasıdır. İkinci yerdə bu il 31 milyon dəyərində mobil telefon idxal edilən Çexiyadır.

Gürcüstan smartfonları haradan alır – reytinq (2023-cü ilin 5 ayı):

1) Birləşmiş Ərəb Əmirlikləri – 72 936 200 dollar;

2) Çexiya - 31 620 380 dollar;

3) Vyetnam - 12 549 450 dollar;

4) Honq Konq - 10 637 250 dollar;

5) Çin - 5 274 570 dollar;

6) Hollandiya - 4 040 340 dollar;

7) Hindistan - 2 477 730 dollar;

8) İsveç - 2 180 960 dollar;

9) Kipr - 1 062 810 dollar;

10) İsveçrə - 845 410 dollar;