Qroznı-Tbilisi arasında birbaşa uçuşlar başlaya bilər

Çeçenistan Respublikasının nəqliyyat naziri Ramzan Çerxiqov “Azimut” aviaşirkətinin icraçı direktoru Eduard Teplitski ilə görüş keçirib. 

InterPress.ge xəbər verir ki, bu barədə məlumatı yerli media yayıb.

“Biz bir sıra gələcək layihələri, o cümlədən həm ölkə daxilində, həm də xaricə uçuşlar sahəsinin artırılmasını müzakirə etdik. Söhbət Tbilisi, Soçi, Volqoqrad və Cidaya birbaşa uçuşlardan gedir”, - Çerxiqov bildirib.

Onun sözlərinə görə, bu planın həyata keçirilməsi Respublika əhalisinin rahatlığını təmin etməklə yanaşı, turizm sektorunun inkişafına da öz töhfəsini verəcək.