Gürcüstanın xarici dövlət borcu bir ayda bu qədər artıb - STATİSTİKA
Bir il ərzində Gürcüstanın xarici dövlət borcu 603,721 milyon dollar, əvvəlki ayla müqayisədə isə, 106,009 milyon dollar artıb.
InterPress.ge xəbər verir ki, bu barədə Maliyyə Nazirliyi məlumat yayıb.
Məlumata görə, 2023-cü ilin iyun ayına Gürcüstanın xarici dövlət borcu 8,510 milyard dolları, bugünkü məzənnə ilə isə 22,277 milyard larini ötüb.
2022-ci ilin iyun ayına borcun məbləği 7,906 milyard dollar və ya o vaxtkı məzənnə ilə 23,158 milyard lari idi. 2023-cü ilin may ayının məlumatlarına gəlincə, xarici dövlətin borcu 8,404 milyard dollar və ya o vaxtkı məzənnə ilə 21,783 milyard lari təşkil edib.
2023-cü ilin iyun ayına olan məlumata görə, Gürcüstan dövlətinin ən böyük kreditorları bunlardır: Asiya İnkişaf Bankı, Avropa İnvestisiya Bankı və Beynəlxalq İnkişaf Bankı.
O cümlədən, Avropa İnvestisiya Bankına borcu 1,005 milyard dollardır. Dövlətin Beynəlxalq İnkişaf Bankına xarici dövlət borcu 1,378 milyard dolları, Asiya İnkişaf Bankına isə 2,149 milyard dolları ötür.
