Gürcüstanda 191 min insan ayda 600 laridən az maaş alır - PMCG

PMCG-nin məlumatına görə, 2023-cü ilin iyul ayında aylıq əmək haqqı alanların sayı 2022-ci ilin müvafiq dövrü ilə müqayisədə 4,7%, 2021-ci ilin müvafiq dövrü ilə müqayisədə isə 7,1% artıb.

InterPress.ge xəbər verir ki, bu barədə PMCG araşdırmasında qeyd olunub.

Məlumata görə, ay ərzində 191 min nəfər 0-dan 600 lariyə qədər əmək haqqı alır. Onların arasında 13 057 nəfər 0-dan 100 lariyə qədər əmək haqqı alıb. Onların vergi tutulan gəlirləri 723 074 lari təşkil edib. İyulda ümumilikdə 73 687 nəfərin 100 lariyə qədər gəliri olub.

2023-cü ilin iyul ayında 2400 lari və daha çox aylıq əməkhaqqı alanların sayı 26,6 faiz təşkil edib ki, bu da 2022-ci ilin müvafiq dövrü ilə müqayisədə 4,8 faiz bəndi, 2021-ci ilin müvafiq dövrü ilə müqayisədə isə 8,9 faiz bəndi çoxdur.

2023-cü ilin iyul ayında 9600 lari və daha çox aylıq əməkhaqqı alanların sayı 2022-ci ilin müvafiq dövrü ilə müqayisədə 27,5 faiz, 2021-ci ilin müvafiq dövrü ilə müqayisədə isə 63,0 faiz artıb. 2023-cü ilin iyul ayında 9600 lari və daha çox qazanan insanların sayı 2,0% təşkil edib.