Ermənilər Qarabağdan köçməyə davam edirlər

Dağlıq Qarabağdan Ermənistana 65 036 nəfər köçüb.

InterPress.ge xəbər verir ki, bu barədə Ermənistanın baş nazirinin mətbuat katibi Nazeli Bağdasaryan sosial şəbəkədə yazıb.

Rəsmi məlumatlara görə, Dağlıq Qarabağda 120 minə yaxın erməni yaşayırdı.

Bundan əlavə, Ermənistan KİV-i yazıb ki, Ermənistan hökuməti Qarabağdan köçən vətəndaşları mənzillə təmin etməyi öhdəsinə götürsə də, 65 min vətəndaşın yalnız kiçik bir hissəsi mənzillə təmin olunub, qəbul məntəqəsinin olduğu Qorisə gedən xeyli insan isə maşınlarda gecələmək məcburiyyətində qalırlar.