Bayden Misir Prezidentinin sərhədi humanitar yük üçün açılmasına razılaşdığını deyib

Misirin Prezidenti Abdülfəttah Əl-Sisi “Rəfah” sərhəd-buraxılış məntəqəsinin Qəzza zolağına humanitar yük daşıyan 20 avtomobil üçün açılmasına razılaşıb.

InterPress.ge “Al Arabiya”ya istinadən xəbər verir ki, bunu ABŞ-nin Prezidenti Cozef Bayden jurnalistlərə açıqlamasında bildirib.

“Sisinin lütfkarlığı təqdirəlayiqdir”, - Amerika lideri deyib.

Qeyd edək ki, Baydenlə Əl-Sisi arasında telefon danışığı olub.

“İki lider BMT-nin humanitar çağırışına təcili və möhkəm beynəlxalq reaksiyanın təşviq edilməsi üçün sıx əməkdaşlıq etmək barədə razılığa gəliblər”, - Ağ evin press-relizində vurğulanıb.