İlon Mask Teslanın səhmlərinin ucuzlaşmasından sonra 24 milyard dollar itirib

Amerikanın elektromobil istehsalçısı Tesla-nın səhmlərinin qiyməti 9% ucuzlaşıb.

InterPress.ge xəbər verir ki, şirkətin səhm qiymətinin düşməsi üçüncü rübün nəticələrinin açıqlanmasından və Maskın qlobal iqtisadiyyatla bağlı bədbinliyindən sonra baş verib.

Bütün bunlardan sonra dünyanın ən varlı adamı təxminən 24 milyard dollar itirib.

Maskın xalis sərvəti cümə axşamı səhər şirkətin səhmlərinin dəyər itirməsi ilə təxminən 10% azalıb. Tesla-nın baş direktoru elektrik avtomobil istehsalçısının səhmlərinin 21%-nə sahibdir ki, bu da onun ümumi aktivlərinin 68%-ni təşkil edir.