Qəzza zolağında humanitar atəşkəsin daha iki gün uzadılması ilə bağlı razılıq əldə olunub

Qəzzada atəşkəs iki gün uzadılıb.

InterPress.ge xəbər verir ki, bu barədə Qətər Xarici İşlər Nazirliyi məlumat verib.

“Qətər davam edən vasitəçilik çərçivəsində Qəzza zolağında humanitar atəşkəsin daha iki gün uzadılmasına dair razılıq əldə olunduğunu elan edir”, - Qətər Xarici İşlər Nazirliyinin nümayəndəsi Məcid Əl-Ənsari bildirib.
“Həmas” da Qəzzada atəşkəsin iki gün uzadılmasını təsdiqləyir.

İsraillə “Həmas” arasında əldə olunan razılaşmanın iki gün müddətinə uzadılması ilə bağlı məlumatı bu yaxınlarda Misir Dövlət İnformasiya Xidməti yayıb.