Gürcüstanda pis hava şəraiti bölgələrdə problemlər yaradıb - əhali yollarda qalıb, kənd və şəhərlər elektrik enerjisi ilə təmin olunmayıb

Gürcüstanın dağlıq rayonları ağır meteoroloji şəraitlə üz-üzədir.

InterPress.ge xəbər verir ki, İmereti, Acarıstan, Mtsxeta-Mtianeti - kənd və şəhərlərdə qar örtüyünün qalınlığı bir metrə çatıb.

Kəskin hava şəraiti ilə əlaqədar onlarla kəndin xarici aləmlə əlaqəsi kəsilib, on minlərlə abonent elektrik enerjisiz qalıb.

Əhalinin böyük bir hissəsinin işıqsız qaldığı Acarıstanda da kəskin meteoroloji şərait hökm sürür. Yollardakı pis vəziyyət xilasetmə və tibbi yardım qruplarının hərəkətini çətinləşdirib. Mtsxeta-Mtianetidə isə sürücülər artıq bir neçə gündür ki, yollarına davam edə bilmirlər - əhali Kobi-Qudauri yolunda avtobuslarda qalıb.