İtaliyada spirtli içkilər oğurlayan Gürcüstan vətəndaşı saxlanılıb

İtaliyada, Potenza bölgəsində 35 yaşlı Gürcüstan vətəndaşı supermarketdən spirtli içkilər oğurladığı üçün saxlanılıb.

InterPress.ge xəbər verir ki, bu barədə İtaliya mətbuatı məlumat yayıb.

Nəşrin məlumatına görə, həmin şəxs qanuni olaraq İtaliya ərazisində olub, lakin onun evi olmayıb. O, oğurlanmış spirtli içkiləri bel çantasında gizlətmək istəyərkən supermarket işçiləri tərəfindən görülüb.

Cinayətkar hadisə yerindən qaçmağa çalışıb, lakin market işçilərinin çağırdığı hüquq-mühafizə orqanları qısa təqibdən sonra onu yaxalayıb.

Axtarış zamanı 35 yaşlı şəxsin çantasından 6 butulka 200 avro dəyərində spirtli içki aşkar edilib.

Məhkəmə saxlanılan şəxsə Potenza bölgəsinə giriş və yaşamağa qadağa qoyub.