Polşada üç nəfər Gürcüstan vətəndaşı saxlanılıb

Polşada Lodz şəhərinin polisi üç Gürcüstan vətəndaşını oğurluqda ittiham edərək saxlayıb.

InterPress.ge xəbər verir ki, bu barədə Polşa polisinin yaydığı məlumatda qeyd olunub.

Məlumata əsasən, 35, 46 və 43 yaşlı gürcülər 2023-cü ilin noyabr ayının sonundan 2024-cü il yanvarın 10-dək bir neçə avtomobildən qızıl-zinət əşyaları, sənədlər və nağd pul oğurlayıblar.

İş materiallarından aydın olur ki, onlar avtomobillərin təkərlərini zədələyib, sonra isə əşyaları oğurlayıblar. Hazırda onlar 3 aydır ki, istintaq təcridxanasındadırlar

Faktla bağlı araşdırma aparılır. Cinayət 8 ilə qədər azadlıqdan məhrumetmə ilə cəzalandırılır.