Polşada gənc oğlanı öldürən Gürcüstan vətəndaşına hökm oxundu

Polşada nepallı gənci öldürməkdə təqsirli bilinərək saxlanılan Gürcüstan vətəndaşına qarşı ittiham irəli sürülüb.

InterPress.ge xəbər verir ki, bu barədə Polşa mətbuatı yazıb.

Məlumata görə, Slupsk rayon prokurorluğu onun barəsində 3 aylıq həbs-qətimkan tədbiri seçilməsini istəyib.

İstintaq orqanının məlumatına görə, Gürcüstan vətəndaşı 28 yaşlı nepallının boynuna bıçaqla xəsarət yetirib.

Cinayəti ört-basdır etdiklərinə görə iki ukraynalı qadın da saxlanılıb, istintaqa görə, onlar cinayət silahından qurtulmağa cəhd ediblər.

Cinayətdə təqsirli bilinərsə, Gürcüstan vətəndaşını 8 ildən 25 ilədək və ya ömürlük həbs cəzası gözləyir.

Qətl fevralın 25-də Polşanın Slupsk şəhərindəki tədbirdə baş verib.